Náttúra

9.12.2009 | 01:23

Hafís hefur ekki minnkað við Suðurheimskautslandið

Í umræðunni um hnattræna hlýnun og hversu mikil hún er er mikilvægt að skoða hvað er að gerast á og í kringum Suðurheimskautslandið. Ástæðan er augljós, jökullinn þar er lang stærsti ísmassinn á jörðinni, með um 89,5% alls íss sem liggur fyrir ofan sjávarmál. Svæðið er um 1,5 sinnum stærra en Bandaríkin. Það er augljóst að það væri afgerandi fyrir heiminn allan ef jökullinn þar myndi fara að bráðna. Vísindamenn eru ekki á einu máli um hvað þar er að gerast.

Grundvallarspurning væri: Er að hlýna eða kólna á
Suðurheimskautslandinu?
Getur t.d. hafísinn umhverfis Suðurheimskautslandið gefið einhverja
vísbendingu um kólnun eða hlýnun?

Ég ætla ekki endilega að svara með beinum hætti en bara að benda á eftirfarandi línurit, sem sýnir einfaldlega þróun hafíssins.

Hafís við Suðurheimskautið

Línuritið sýnir útbreiðslu hafíss frá árinu 1979 fram til 2009, eða þann tíma sem gervitungl byrjuðu að mæla fyrir 30 árum síðan. Útbreiðslan hefur verið svipuð á þessum tíma og engin merki um að hún sé að minnka.
Auðvelt og athyglisvert er að sjá hvaða ár hafísinn náði mestri útbreiðslu.

	„Loftlagsbreytingar af mannavöldum“
Ábyrgðarmaður færslu Tilkynna um óviðeigandi tengingu við frétt

Flokkur: Vísindi og fræði | Facebook

Athugasemdir

Þetta kemur heim og saman við mínar upplýsingar. Annars ræði ég m.a. um Suðurskautlandið og talið furðulega um menta "bráðnun" þess í Þjóðmálagreininni "Að flýta ísöldinni"sem nú er komin inn á vefsíðu mína.

Vilhjálmur Eyþórsson, 9.12.2009 kl. 01:43

Og svo er það ísinn á norðurslóðum sem er í nokkuð góðu lagi. Sjá rauða ferilinn á myndinni sem dagsett er 8. desember

http://www.ijis.iarc.uaf.edu/en/home/seaice_extent.htm

AMSR-E Sea Ice Extent

Ágúst H Bjarnason, 9.12.2009 kl. 07:57

Já, skoða þessa grein hjá þér Vilhjálmur. Athyglisvert að gervitunglamælingarnar sýna þetta. Þetta eru beinar mælingar, ekki túlkun vísindamanna getur maður sagt.

Útbreiðsla hafís á norðurslóðum greinilega í meðallagi í ár miðað við síðustu 7 ár. Svolítið kaldhæðnislegt að þegar minnst var af ís árið 2007 þá var hámark á suðurslóðum.

Karl Jóhann Guðnason, 9.12.2009 kl. 08:28

Karl Jóhann:

Það rifjast upp að fyrir fáeinum mánuðum fann ég stórgóða grein eða ritgerð sem líklega er eftir þig.

Greinin fjallar um "Tengsl hitastigs á Íslandi á árunum 1961-2009 við hnattrænar hitastigsbreytingar og NAO" .

Einstaklega góð grein