Fara þeir með rangt mál?

"Ný ísmyndun nær ekki að vinna upp bráðnun á báðum pólsvæðunum, á Grænlandi, í Himalaíafjöllum og sama þróun er á jöklum um allan heim."

Veit ekki hvaðan þeir fá sínar upplýsingar en hver sem er getur farið á eftir farandi síðu, Cryosphere Today og skoðað nýjustu upplýsingar um ástand hafíssins.  Í grein hér fyrir neðan er fjallað um hafís í kringum Suðurskautið. Læt fylgja hér mynd af útbreiðslu hafíssins á norðurheimsskautinu frá árinu 1978, fengin af sömu heimasíðu. 

Hér sést að hafísinn er langt frá því að hverfa. Útbreiðslan var í lágmarki sumarið 2007 en hefur aukist aftur síðan. Hafa þessir stjórnmálaleiðtogar þessi gögn til að styðja þessar yfirlýsingar? 

 

Hafið gæti hækkað um 2 metra

Athugasemdir

[Hermann Ingjaldsson (IP-tala skráð) 14.12.2009 kl. 12:01]

það er ekki verið að tala um að hann hverfi heldur að hann hverfi yfir hásumarið.

eins og þessi gögn að ofan sýna að þá hefur ísinn minnkað um einhver 40% á þessu tímabili í ágúst.

Ef næstu 30 ár verða eins og síðastliðin 30 mun norðurpóllinn vera alveg horfinn að hausti til að þeim loknum.

[Þórarinn Jóhann Jónsson (IP-tala skráð) 14.12.2009 kl. 14:00]

Sæll og blessaður

Þú ert greinilega að misskilja eitthvað!  Þessir kappar láta ekki smáatriði eins og staðreyndir og vísindalegar rannsóknir trufla sig.  Það er BOÐUN FAGNAÐARERINDISINS, sem skiptir máli, ekkert annað.  Hvenær hefur þú heyrt um dómsdagsspámenn sem byggðu spá sína um heimsendi á staðreyndum ?

Einmitt..... :)

[Karl Jóhann Guðnason, 14.12.2009 kl. 14:16]

Hlutfallslega hefur sumarísinn á norðurpólnum minnkað um 40%, en vetrarísinn hefur hlutfallslega minnkað miklu minna eða að mér sýnist um 10 %. Og ef maður horfir á hina raunverulegu hitafarsþróun í heiminum síðustu ár (kólnun eða stöðnun síðustu 10 ár) þá eru meiri líkur en minni að hafísinn muni fara aukandi. 

[Hermann Ingjaldsson (IP-tala skráð) 14.12.2009 kl. 15:56]

hitastigið hefur verið stöðugt síðastliðin 10 ár, en fyrir 10 árum síðan var heitasta tímabil aldarinnar. http://en.wikipedia.org/wiki/File:Instrumental_Temperature_Record.png

Þá var sólarstyrkurinn í hámarki, nú er hann í lágmarki,

http://en.wikipedia.org/wiki/File:Solar-cycle-data.png

og einnig var þessu óvenjuhlýja veðurfari þá kennt um el nino. Nú er ekkert svoleiðis í gangi.

[Sveinn Atli Gunnarsson, 14.12.2009 kl. 16:13]

Áratugurinn sem er að líða mun væntanlega verða sá heitasti síðan mælingar hófust, sjá hér.

Svo má nefna það, að flatarmál íssins, sem hefur minnkað töluvert á síðustu árum (sérstaklega við sumarlágmarkið), er aðeins einn mælikvarði, annar er t.d. að athuga rúmmálið. Það hefur einnig verið minna af ís sem er eldri en eins árs, undanfarin ár miðað við áður, þ.e. ísinn er þynnri sjá t.d. hér.

[Ágúst H Bjarnason, 14.12.2009 kl. 16:17]

Neðst á þessari síðu er hægt að sjá hver hækkun sjávarborðs hefur verið samkvæmt mælingum, þ.e. ekki spádómum:

http://www.climate4you.com/SeaTemperatures.htm

Sjá einnig síðu merð fjölmörgum mæliniðustöðum . Síðan sem vísað er á hér fyrir ofan er í flokknum "Oceans".

http://www.climate4you.com

Hver er hækkunin samkvæmt þessu undanfarin ár?

2 mm/ári = 20 cm / öld?    3mm / ári?   Eða eitthvað allt annað?

Hver ætli þróunin verði og hvers vegna?

[Sveinn Atli Gunnarsson, 14.12.2009 kl. 16:31]

Reyndar hefur bráðnun hafíss nánast engin áhrif á sjávarstöðu. En samkvæmt NOAA þá er hækkun sjávar núna 3,1 mm/ári, sem myndi þýða 31 cm. að óbreyttu, samanborið við ca. 20 cm á síðustu öld. Í nýlegri skýrslu, Kaupmannahafnargreiningin, segir, t.d.:

"Sjávarborðshækkun endurmetin: Fyrir árið 2100, er líklegt að sjávarborð muni hækka 2. sinnum meira en áætlanir vinnuhóps 1, í matsskýrslu 4 hjá IPCC gerðu ráð fyrir, án nokkurra mótvægisaðgerða gæti sú tala farið yfir 1 meter. Efri mörk hafa verið áætluð um 2 metra sjávarborðshækkun fyrir 2100. Sjávarborð mun hækka í margar aldir eftir að jafnvægi er komið á hitastig, og nokkra metra sjávarborðshækkun á næstu öldum er því talið líklegt."

Nú er ég bara að vitna í skýrslu um málið þar sem þetta kemur fram, nánar hér. Hvort að þessar spár ganga eftir er erfitt að vita, því ekki þekkjum við nákvæmt hitastig, né losun gróðurhúsalofttegunda í framtíðinni. En þetta getur þó gefið okkur vísbendingu um hvað gæti gerst, ef losun gróðurhúsalofttegunda verður óheft í framtíðinni.

[Karl Jóhann Guðnason, 15.12.2009 kl. 00:54]

Hermann og Svatli. Að mínu mati er það möguleiki að hnattræn meðalhiti hafi verið sá hæsti á síðastliðin 10 ár, en á nokkrum svæðum amk var hitinn hærri um miðja síðustu öld. T.d. á Grænlandi, og líklega víðar á norðurheimskautinu. Einnig var hiti svipaður í Bandaríkjunum um 1930-40 (eftir að gögnin voru leiðrétt), sjá í þessari skýrslu. Hæsti meðalárshiti var um 1934! 1998 var í öðru sæti.

Þykkt hafíssins hefur minnkað það er enginn vafi á því.  En að sem ég best veit þá eru ekki nákvæmar mælingar á þykkti langt aftur í tímann, t.d. fyrir 1950. Hvað ef mikil bráðnun var þá?  Minni að ég hafi lesið um sögulegar heimildir einhverstaðar sem bentu til þess...   

Eru þessar spár um 2 metra hækkun byggð á tölvulíkönum? Á hverju byggja þessi tölvulíkön? Ef maður skoðar þróunina í fortíðinni (síðustu 100 ár ) þá eru litlar líkur á því. En reyndar getur bara framtíðin sýnt með 100% öryggi hvað gerist.

Takk fyrir linkinn Ágúst, hef ekki skoðað þessa síðu áður.

[Höskuldur Búi Jónsson, 15.12.2009 kl. 10:08]

Karl: Getur þú sagt mér hvar ég finn þessa skýrslu sem allir eru að blogga um? Ég get ómögulega fundið hana.

Því tengt, þá finnst mér ómögulegt ef menn eru að hafa miklar skoðanir á þessari skýrslu án þess að vera búnir að skoða hana, sérstaklega þar sem eitthvað virðist hafa skolast til í þýðingunni - ég get ómögulega séð að frétt mbl.is sé rétt - allavega er hún of ruglingsleg og virðist blanda saman hafís og jökla, hægri og vinstri.

[Karl Jóhann Guðnason, 15.12.2009 kl. 11:17]

Þá skýrslu sem Al Gore og Störe hafa gefið út?  Já fann hana eftir smá leit... Hérna. Hef nú ekki skoðað þetta enn.

[Höskuldur Búi Jónsson, 15.12.2009 kl. 11:20]

Takk fyrir það Karl